Болон процесі

Білім беру бағдарламасының тұжырымдамасы Қазақстан Республикасының экономикалық даму қарқынын жеделдету және цифрлық технологияларды қолдану арқылы халықтың өмір сүру сапасын арттыру мақсатында «Сандық Қазақстан» мемлекеттік бағдарламасының ғылыми және практикалық міндеттерін шешуге бағытталған жоғары білікті бәсекеге қабілетті мамандарды даярлау принципіне негізделген. Білім беру бағдарламасы білім беру үдерісін жүзеге асырудың мақсаттарын, нәтижелерін, мазмұнын, шарттары мен технологияларын, осы саладағы жоғары оқу орнынан кейінгі дайындық сапасын бағалауды реттейді және студенттерді оқыту сапасын қамтамасыз ететін материалдарды және тиісті білім беру технологияларын енгізеді. Білім беру бағдарламасы әртүрлі кәсіптік құзыреттерді қалыптастыру үшін пәндердің траекториясын таңдаудың алуан түрімен ерекшеленеді. Білім беру бағдарламасының пәндері еңбек нарығына қажетті негізгі кәсіптік құзыреттерді қамтиды.

«6В06182- Компьютерлік инженерия» білім беру бағдарламасы бойынша ақпараттық-коммуникациялық технологиялар  бакалавры 

Бакалавриат бағдарламаларын меңгерген түлектердің кәсіптік қызмет саласы жүйелерді жобалау, әзірлеу, енгізу, сүйемелдеу және есептеу жүйелері мен желілерді сүйемелдеу, тестілеу саласында қызметтерін көрсетуді қамтиды.

Бакалавриат бағдарламаларын меңгерген түлектердің кəсіби қызметінің объектілері есептеу машиналары, кешендері, жүйелері және желілері, деректерді өңдеу мен басқарудың компьютерлік жүйелері, автоматтандырылған жобалау жүйелері, есептеу техникасы құралдарының және ақпараттық жүйелердің бағдарламалық қамтамассыз етілуі (бағдармалар, бағдармалық кешендер мен жүйелер) болып табылады.

Кәсіби қызметінің функциялары:
-есептеу техникаларын жобалау;
-есептеу және ақпараттық жүйелерді эксплуатациялау;
-жүйелер мен желілерді әкімшілік ету;
-есептеу жүйелері мен желілерді сүйемелдеу;
-жүйелерді тестілеу;
-бағдарламалық-аппараттық қорғалуын қамтамассыз ету;
түрлері:
-өндірістік-технологиялық;
-жобалаушы-құрастырушылық;
-эксперименттік-зерттеушілік;
-ұйымдастыру-басқарушылық;
-эксплутациялық 
- жүйелік сәулетші;

Кәсіби қызмет түрлері:
- конструкторлық қызмет: тұтынушылардың өтініштерін, пән аумағының модельдері және техникалық құралдардың мүмкіндіктерін талдау негізінде кәсіби қызмет объектілерінің жекелеген компоненттерінің талаптарын және спецификациясын әзірлеу; есептеу техникалары компоненттерінің архитектурасын жобалау; бағдарламалық жүйелердің адам-машина интерфейсін жобалау; заманауи әдістерге, құралдарға және дизайн технологияларына негізделген есептеу жүйелерді математикалық, лингвистикалық, ақпараттық, бағдарламалық қамтамасыз етуді және техникалық сүйемелдеуді, соның ішінде автоматтандырылған жобалау жүйелерін пайдалану.
- өндірістік және технологиялық қызмет: есептеу жүйелерінің компоненттерін құру, бағдарламалық қамтамасыз етуді жасау; ақпараттық жүйелердің бағдарламалық жүйелерін тестілеу және баптау; компьютерлік желілердің желілік қызметтерін орнату, конфигурациялау және басқару; кәсіптік қызмет объектілерін сертификаттау.
- ұйымдастырушылық және басқарушылық қызмет: есептеу жүйелерін құру, енгізу және қолдау үшін жобаларды басқару; кәсіптік қызметтің объектілерін әзірлеу және енгізу процесін ұйымдастырудағы технологияларды, құралдарды таңдау; белгілі бір кезеңде осы сапамен кәсіби қызмет объектілерін дамыту процесінің жеке кезеңдерін ұйымдастыру кәсіби қызмет объектілерін дамыту процесін ұйымдастыру шеңберінде қызметкерлерді оқыту.