Болон процесі

Білім беру бағдарламасы білім беру үдерісін жүзеге асырудың мақсаттарын, нәтижелерін, мазмұнын, шарттары мен технологияларын, осы саладағы түлектердің дайындық сапасын бағалауды реттейді және тыңдаушыларға арналған оқыту сапасын қамтамасыз ететін материалдарды және тиісті білім беру технологияларын енгізуді қамтиды.

7М02262   – Теология білім беру бағдарламасы бойынша гуманитарлық  ғылымдарының  магистрі 

Магистратура білім беру бағдарламасының түлектерінің  кәсіби қызмет саласы: ғылыми-зерттеулік, педагогикалық және ұйымдастыру-басқарушылық қызметтер және мемлекеттік-конфессияаралық қатынастар саласында өзара іс-әрекетті қамтиды.

Магистратура білім беру бағдарламасының түлектерінің  кәсіби қызмет объектісі: арнаулы орта оқу орындары, діни оқу орындары және жоғары оқу орындарында педагогикалық қызмет; оқу үдерісін ұйымдастыру, технологиялық сүйемелдеу және кеңес беру; мұражай экспонаттарын өңдеу, сипаттау және экскурсия жүргізу;  кітапханалар мен мұрағаттарда діни және теологиялық материалдар мен әдебиеттерді  жинақтау-каталогын жасау; бұқаралық ақпарат құралдарына теологиялық мәселелерінде кеңес беру, материалдарды өңдеу және ұсыну; баспаларда діни және теологиялық әдебиеттерге жалпы және ғылыми редакторлық жасау; діни бірлестіктермен мемлекеттік органдардың қызметін жүзеге асыру; мемлекеттік мекемелерге, қоғамдық және діни ұйымдарға дін мәселелерінде кеңес беру, сараптама-талдаулар жасау, ақпараттарды өңдеу мен ұсыну қызметі; мемлекеттік-конфессияаралық қатынастар саласында ұйымдасытру, басқару және жұмысты жүргізу; теология және пәнаралық байланыс пәдерінен оқу-әдістемелік материалдарды дайындау; теология саласында инновациялық оқыту түрлерін қолдану; ғылыми зерттеулерді жобалайды және жүргізеді.

Магистратура білім беру бағдарламасының түлектерінің  кәсіби қызмет түрлері: ғылыми-зерттеулік; педагогикалық және ұйымдастыру-басқарушылық.

Магистратура білім беру бағдарламасы түлектерінің  кәсіби қызметтері:

-ғылыми-зерттеулік: дін саласында ғылыми-зерттеу жұмыстарын жүргізу, мәселелерді анықтау мен шешуде теологиялық пәндер саласындағы кәсіби білімдерін қолдануы; мақсаттарға қарай зерттеулерде сәйкес әдістерді таңдау, қажетті тәсілдер мен жаңа әдістерді қолдану алуы; теология саласында жалпы ғылыми жобаларға қатысу және тың ғылыми бастамалар көтеруі; ғылыми-зерттеу жұмыстарының нәтижелерін талдау, қорыту, ғылыми есептер мен ұсыныстар жасау; теология мәселелерінде ғылыми семинарлар, дөңгелек стөлдер, конференциялар, симпозиумдар ұйымдастыру және өткізу; ғылыми жарияланымдарды әзірлеу және редакциялау;

- педагогикалық : жалпы білім беретін орта, арнаулы орта  және жоғары оқу орындарында теология және арнайы қоғамдық  пәндерді оқыту, жоғары оқу орындарында педагогикалық әдістерді және практикаларды қолдана алуы; білім беру үдересіндегі қазіргі заманғы технологияларды меңгеруі, коммуникациялық құзыреттерді игеруі, дәлелдеудің теориясы, логикасы мен практикасын меңгеруі, сонымен қатар текетірестерді ақпараттық-коммуникациялық технологиялар арқылы шешуді де меңгеруі;  инновациялық педагогикалық және ғылыми қызметінде біліктілігін көтеруге және қайта білімін жетілдіріуге дайындығы;  білім алушылардың аудиториядан тыс уақытта да ғылыми жұмыстарына жетекшілік ету;білімді бақылау мен бағалаудың озық технологияларын қолдану;

- ұйымдастыру-басқарушылық: ғылыми, оқу және өндірістік жұмыстарды  ғылыми-зерттеу, білім беру мекемелерде ұйымдастыру мен басқару; дін саласындағы өндірістік жұмыстарды  мемлекеттік және құқықтық  мекемелерде ұйымдастыру мен басқару; дін саласындағы өндірістік жұмыстарды  діни және қоғамдық  мекемелерде  ұйымдастыру мен басқару;